黃明記 - 請移玉步

食物：$$$$
環境：$$$$
服務：$$$1/2 

週五的九龍城，人流不多，似乎屯馬開通，大家只興奮了三分鐘。

或者，週末才淪陷都未定。

想食碗麵，諗起老字號的黃明記，可是走到去門口，見拉晒橫額...... 搬遷??!!!

幸而，只是遷往隔離街的沙埔道，相信沒有流失什麼街坊客。

地方比以前大一截，新開業才十多天，環境自然也更光猛企理，但坦白說裝修是沒以前的特色。

二話不說點來了雙丸麵，偏腍身的麵條不是我喜愛的版本，好在沒有一股鹼水味。雙丸就是豬肉丸，與及墨魚丸。後者一向是店家的招牌，雖然與多年前比較，水準是有所區別，不過總算保持彈牙，足料又味鮮，仍是不錯吃的。

豬肉丸查實也做到爽口，且難得的帶有肉香，不比招牌的墨魚丸遜色，我甚至乎覺得更合我心意。

呢排實在太勞累，要吃些邪惡東西慰勞下自己，來多碟白灼腰潤正好。大大件的豬腰界了花，吃起來口感爽脆，沒半點異味，沾上豉油吃，岩心水。豬潤既沒有過熟，都唔會有筋，合格的出品，但個人是比較欣賞豬腰多一些。墊底的芽菜，只循例嚐了幾條，大概我已被怡保芽菜寵壞了。

凍檸茶既茶色已知唔對路，早知飲可樂仲好。

新舖剛開始營業，暫時未能收八達通，嗰兩千銀又用唔著...

餐廳資料:
黃明記
九龍城沙埔道40-42號