茶咖廳 - 茶記與咖啡室混合體

食物：$$$
環境：$$$1/2
服務：$$$1/2 

相信大家都知道，咖啡於我日常生活，佔了重要之席位。

又無可能天天蒲咖啡店，最近被我發現的一個地方，好岩我，瞬間成為了我的飯堂。

店子叫茶咖廳，顧名思義，就是茶餐廳與咖啡室的混合體。

戴番個頭盔，呢度嘢食唔算有驚喜，但既有茶記的 『頹飯』，又可飲到杯拿鐵，實在太周全了吧！

QR Code落單是大勢所趨，尤其中午繁忙時間，無人會得閒理你，唔該自己搞掂。

吃過幾次，嚐過不同款式的食物，包括茶記嘢，同埋西式嘢。先講蝦仁炒滑蛋飯，蝦經輕煎過，來得香口，雞蛋是看得出的嫩滑，只是豉油實在有點過甜，連我呢個甜魔也覺得太甜既話，恐怕很多人接受不了。

食肉獸之選擇，可以係餐肉豬扒飯。豬扒鬆化，餐肉厚切，仲要輕煎過，又點會唔岩食肉獸既胃口。只是，同樣地，敗在甜醬油之上。

來『茶記』食班尼特蛋，又怎能期望有多高的水準呢? 水波蛋做得流心，讓蛋汁滲進麵包內，已經算係咁。反而旁邊的煙肉不會乾柴柴，焗豆亦唔係凍冰冰，就比想像中好。

咖啡用碗上，總有點飲中藥既感覺。Any肥，拿鐵拉花靚仔，入口順喉，若然溫度上可以高番些少，就係杯合格既咖啡。

沒有咖啡，下午會好難過~

餐廳資料:
茶咖廳
紅磡崇安街23號環海東岸1樓16號舖