春水堂 - 偽台灣行

食物：$$$1/2
環境：$$$$
服務：$$$$ 

常說我是身不由己，是日飄泊至東涌，一個好日都唔去下既地方，自然要醫飽肚才打道回府。

對翻新後既東著城不甚了解，站在水牌前，望望有咩餐廳可以揀！

坦白說，沒有那家特別吸引到我，唯有用最無聊既方法，點指兵兵，最終點來了周圍都係分店的春水堂。

小碗的鹵肉飯，對我來說是最正確的份量。豐腴香潤的出品，結合微甜的醬香，伴米飯是可口的，反而加入了肉鬆，卻令我有點保留。

小碗米飯肯定唔夠喉，來兩款小食就好。鹽酥雞翼，咬落鬆脆不硬，雞翼飽滿有肉汁，惹味又好吃。

或許大家都知我是芋泥控，在餐牌中找到金沙芋泥丸，雙眼發光，立馬來一份。平平無奇、甚至可說是醜樣的賣相，卻是滿有內在美。微脆的外層，裡頭是軟滑綿綿的芋泥及香甜之流沙奶黃，超好味道，是必吃的小食。

春水堂既為珍珠奶茶既始祖，當然不作他選。頂頭的泡沫及碎冰，是這品牌的特色。質感細滑，味道尚好，珍珠比香港市面普遍的出品要細一點，但口感很好，不會過軟腍，亦唔係像趙橡膠般，是我喜歡的版本。

可能時間尚早，人不多，食得自在。

餐廳資料:
春水堂
東涌達東路20號東薈城名店倉2樓286號舖
28719828