文華餅店 - 苦中一點甜

食物：$$$$
環境：$$$$
服務：$$$$ 

呢兩年既香港，人人生活都很苦，或許大家也需要在苦中找點甜。

於筆者而言，每星期來幾件蛋糕，與家人分甘同味，好像是疫情下的新常態，即使現在晚市堂食重開，這習慣也沒有間斷。

係香港地食蛋糕真心好貴，閒閒地五、六十蚊件，夠係茶記食個常餐有餘。

又，愈來愈覺得，五星級酒店餅房的蛋糕，比起去大商場購買，其實更划算。如今次文華餅店的幾件蛋糕，平均五十五蚊有找，便宜過偽澳洲西瓜蛋糕。

是次的三件蛋糕，分別係Cream Horn、文華芝士餅，與及歌劇院。

由甜度較低的奶油角食起，煙韌的外皮與細滑既奶油，正是經典之味道。

文華的芝士蛋糕從來高水準，在香港是數一數二，至少我是這樣覺得。賣相高貴，質感細滑，芝味濃郁，頂頭以忌廉與白朱古力片作點綴，是花心思的配搭，我仍然受落。

最後食Opera，層次是看得出的十分分明，每一層都做得很細緻，以咖啡味作主導，不錯吃，但單以這款來計，個人會較愛大籮友既出品。

其實，我對文華既最深印象，係佢既馬卡龍，簡直好食得飛天，但我講緊既係台灣的Mandarin。

店舖資料:
文華餅店
中環干諾道中5號香港文華東方酒店閣樓
28254008