食物：$$$1/2
環境：$$$$
服務：$$$$
疲情嚴峻，餐飲業界人人叫苦連天，但凡事總有例外，今次介紹的日本過江龍拉麵店一幻，就在疫市中突圍。
心水清既朋友或會知道，此品牌在香港已開到第四間分店，最新的一家，座落屯門市廣場。
新界既朋友，等到頸都長，終於俾你哋等到啦，哈哈哈~
新店除左保留了招牌既蝦湯拉麵外，還特別加入了兩款新口味，分別是北之極蕃茄蝦湯拉麵，以及札幌咖喱蝦湯拉麵。一場來到，梗係要試下新嘢。
拉麵來之前，先吃些小食，其中的甜辣小蝦沙律很討喜。蝦仔隻隻脆口，甜中滲出微辣蠻醒胃，撈埋沙律菜同吃，是好精彩的開胃小吃。
北之極蕃茄蝦湯拉麵沿用了招牌的甜蝦湯底，味道自然不會陌生，重點是糖度達10度以上既北海道蕃茄，有效提鮮及減低油膩感。叉燒只一片，切得薄身也有夠軟熟，半隻溏心蛋充滿蛋香，若可稍稍再溏心一點便理想。至於麵條，始終是略帶鹼水味。
另一款的咖喱蝦湯底，端上桌時已散發陣陣香氣，第一印象比蕃茄那款更誘人。咖喱的辣味其實幾溫和，不能吃辣的朋友相信也可接受，而且咖喱正好中和了麵條的鹼性，配埋角切叉燒、翠玉瓜、粟米粒及溏心蛋，更合我心。
印象中一幻既叉燒飯很吸引，同埋只係細細碗，忍唔住口又來一碗。軟熟入味的角切叉燒、麵酥及青蔥撈日本米飯，無唔好食既道理，三扒兩撥便幹掉整碗。
再飽也好，餃子我是不會錯過的，筆者對日式的餃子總有份莫名好感。
新店還推出一連串的優惠，首炮
(12月16日至12月20日)係買一送一；第二彈
(12月21日至1月10日)係$128的限定拉麵套餐，有齊拉麵/拌麵、餃子、指定飲品，以及贈送限量版抗菌潔手噴霧；第三回
(1月11日至31日)係惠顧指定套餐，即可獲贈限量版摺疊式環保飯盒乙個。
最終章
(2月1日至28日)玩法係儲印花，儲滿即可獲贈終極大賞福袋，內裡有包括一幻X
Bruno限量便當盒、Powerbank等等～
嘩! 兩款麵嘅湯底都好吸引呀！
回覆刪除我投咖喱蝦湯底一票！
回覆刪除