Sensory Zero - 有再訪的可能

食物：$$$1/2
環境：$$$$
服務：$$$1/2

好日都唔踏足黃竹坑，對該區的印象，大概只有如心南灣海景酒店，同埋剛被注資的海洋公園，要我數多間食肆出來，都有點難度。

唯有靠『開飯喇！』幫手，依佢既指示，近港鐵站的商廈One Island South，有幾所特色食店，我只得相信。

在沒訂位的情況下，樓上的Chopsticks Fork n Knife (CFK)只剩下門口的一張枱，同行者灑手兼擰頭，輾轉間來到該商廈地下的Sensory Zero。

自己搵位，自己落單，熒幕出現你的號碼，請自行埋去攞，一切皆自助，沒有人手去Serve你。

浦燒三層鰻魚滑蛋飯似乎是招牌，眼見許多食客也點上，所以就跟風了。鰻魚厚身，然而質感稱不上彈牙，勝在夠香，而且浦燒汁撈圓潤的米飯，非常穩陣，滑蛋也恰如其分，整件事大致合乎預期。

問及店員，Rice of the day係燒鯖魚飯，可以來一客。一碗有四件的鯖魚，而且皮香肉不嚡口，交足功課了。更讚的是一旁既醃秋葵，爽脆帶咸的味道，挺開胃，比起剛才那鰻魚飯的滑蛋更誘人，有力問鼎最佳配角。

喝的選來了Flat White，好重口味，不是我杯啡，但其實水準唔係差的，只是人人口味不同而已。

後來好友講番才知道，呢間店既朱古力奶係好出名，我認真大鄉里！

仲有個澳洲M5和牛肩肉溫泉蛋飯我都想試試。看來，有再訪的機會~

餐廳資料:

Sensory Zero

黃竹坑香葉街2號One Island South G01號舖

25116011