自煮抗疫 - Through蜆了事～

疫情關係，許多人都遵從專家建議，減少外出用餐，多留家自煮。

依家係Fb見到既自家煮食相，比起餐廳的食物相還要多，當中不乏高階水平，美如五星級酒店的出品。

我呢！繼續低B班住家菜色分享... 這次，以蜆為主題吧~

    

吐沙、清洗及汆水等乃指定動作，不長氣多說。

第一夜，弄個清酒煮蜆。

以牛油起鑊，爆香洋蔥及蒜茸，再兜勻啲蜆，炒到開口，加點清酒就可以了。貪影相靚，切些少蔥花及紅椒點綴下。

清酒落多落少，接個人喜好啦，唔使下下問份量既... 我就放左約半碗，喜歡酒既朋友大可多放些，同埋分兩次落

另一味，係大雜薈。

爆香啲薑，煮腍啲白蘿蔔，落埋蜆、蠔及蝦兜勻佢，一鑊熟，加點調味便好。

個人就梗係中意第一味喇，香口好多。

相信還有一段時期要多留家自煮，大家有咩好建議，不妨交流下丫！