立體派 - 疫境求存

食物：$$$1/2

環境：$$$$

服務：$$$$

於尖沙咀交收花椒，完事後，要找地方醫肚。機會終於嚟啦飛雲，可以去在我Wish List已久的拉麵店 – 立體派。

量完體溫搓埋手，可以入座。週五晚放工時間，連埋我，全店有三個客，足以符合1.5米的要求有餘，哈哈~

再咁落去，業界又無任何補償，我有理由相信香港一半餐廳食肆會倒閉，煮得好食到曉飛都係假。

大家都係自求多福罷啦~

     

成日戴住口罩，好焗好口渴，枱面上的那壺水無比受用。只不過佢唔係冰水，對於一些對拉麵非常執著的食家而言，可能已被判死刑。

日本冠軍級拉麵大師林隆臣推介的特級白湯拉麵，有大小之分，來份細的便好，要留肚食餃子嘛。

說是小的拉麵，份量其實絕不迷你，我想只是少了兩片叉燒 (大的有三大塊)及半隻溏心蛋，麵底我估是一樣多的。

食習慣先呷啖湯，香濃而不膩，但個人總覺得是有點點味精的蹤影。薄薄的叉燒，軟腍而帶脂香，麵條也做到爽口，倒是不錯。

一客五隻的煎餃子，形狀幾靚仔，底部未算十分脆口，還幸調味不俗，不用沾醬油也可。旁邊跟上的辣椒醬，辣度於我而言是接受到，卻就是不夠香，稱不上完美。

而家出街食嘢，點會無優惠？

經開飯網站訂枱，可享八五折；午市來食拉麵，更送你八折優惠券下次使用。

餐廳資料:

立體派

尖沙咀棉登徑8號凱譽地下G13號舖

21091155