食物：$$$1/2
環境：$$$1/2
服務：$$$1/2
我明白，動輒六、七百個大洋的自助晚餐，對部份有經濟負擔的朋友而言，是有些離地。
若然，三百幾蚊，仲要係港島區，又如何？
想講的是，西環既Mo
Mo Cafe。呢個價錢，食物選擇雖不算勁豐富，卻已包嘉士伯生啤任飲，Weekend更有生蠔供應，划算了吧！
好不容易捱到星期五，同朋友啤啤佢，唔過份啦～
即開生蠔是澳洲產地，現在正值合時，水準的確蠻好。不過年紀有番咁上下既筆者，兩隻已經夠皮。
生蠔以外，各式凍海鮮如凍蝦、青口、蟹腳及蜆等都不缺，開邊波士頓龍蝦多羔。要讚的是refill的很快，由頭到尾這個凍海鮮欄也是滿滿的。
Cold
Cut、風乾火腿，同埋頭盤之中，個人最喜歡的是泰式鳳爪。去骨鳳爪爽脆，辣勁對我來說恰好，炎炎天時吃幾隻，醒胃。
熱葷並不多，勝在添加得很快，有時仲會轉款。西式的龍脷，中式的扒什菜、豉椒牛肉，飽肚的炒麵，當中最讚是黃咖喱，佐飯良品。
同場加插清蒸海上鮮，拿一點魚，連埋蒸魚豉油，撈個白飯，正！
能配白飯的，除了咖喱及蒸魚，當然還有燒味，叉燒和燒肉。單是燒味雙拼，配個蒸魚，已是很好的「家常便飯」。
原條燒牛肉，可配燒汁或者黑椒汁，火侯控制恰到好處，水準比某些五星級酒店的自助餐出品，更勝一籌。
朋友整了碗什錦湯麵，我實在吃不下了，淥幾條菜平衡下，倒是可以。
甜品選擇不多，不過有Movenpick雪糕挽回分數。西式的朱古力蛋糕很濃郁，中式的薑汁糕真正夠薑，再吃幾件生果，其實已非常飽足。
是的，正如朋友所言，呢度冷氣好勁，記緊帶件外套呀！
餐廳資料:
MoMo Cafe
中式的薑汁糕真係少有又好味！
回覆刪除