Bostonian Seafood & Grill - 馬拉松式的享受

食物：$$$$

環境：$$$$

服務：$$$1/2

好不容易才捱到禮拜日，為什麼這個星期會那麼累的呢？我也解釋不了。

要放鬆心情，可以有很多方法，有些人會選擇做運動，有的會瘋狂購物，於筆者而言，吃永遠是最有效的良方。

所以，我決定去歎個Sunday Brunch。

友人建議去朗廷酒店的Bostonian，話試過佢既"賓廚"好正好豐富，仲有Free Flow的PJ香檳，我也很有興趣。

四小時馬拉松式的Brunch，食物款式多到不得了，飽到晚飯都唔需要食。

各式三文魚，既有最普遍的煙燻，亦有紅菜頭、日式芥末等，很多元化。我喜歡的Cold Cut都有唔少選擇，伊比豬、莎樂美腸，乜乜乜，齋試這些已經飽了一截。

芝士有軟有硬，性情溫和與個性剛烈並存，咬一口羶味十足的藍芝士，再不停地對住周圍的朋友說話，爽呀！

嫌Cold Cut唔夠喉？再有即切的風乾火腿又如何？另外，還有多種多樣的沙律菜，讓大家平衡一下。

店員奉上的海鮮拼盤，蟹腳、海蝦、翡翠螺，以及香港人最愛的生蠔，海鮮迷應該會滿意。

講左咁耐，其實仲未到主菜，仍有幾款Tableside Pass Around的食物。西班牙海鮮飯足料美味，焗龍蝦成品香噴噴，還有白酒煮青口，同埋脆卜卜的釀乳豬，每樣吃些少，胃納細小既我已經飽到上心口。

不過，點都唔可以錯過香煎鴨肝，厚身又入口溶化，結合底下香脆的薯絲片，再飽都想Encore一件。

飽到有三個月新紀，主菜終於來臨。朋友挑的煎塔斯曼尼亞三文魚，火侯控制不俗，雖知熟既三文魚有時會好嚡口，呢個幾好。黑松露牛肝菌意大利飯，此刻幾乎爆肚的我只能淺嚐幾口。

我所揀選的，是安格斯牛。要求Medium Rare，出來的確沒過熟，鬆化的口感，令人滿足。

甜品外面自取，色彩繽紛的泡芙好受大眾歡迎，蛋白檸檬撻來得醒胃，提拉米蘇味道傳統，還有各式蛋糕，即使你吃甜是第二個胃，也應該會飽足。

最後食埋皮脆片雪條，歎壺伯爵茶，四小時的光陰悄悄地流走。

反正飽到晚飯也吃不下，回家不如睡一會？

餐廳資料:

Bostonian Seafood & Grill

尖沙咀北京道8號香港朗廷酒店低層大堂

21327898