新店速遞：美滋鍋 - 喜出望外

食物：$$$$

環境：$$$$

服務：$$$$

新加坡過江龍樂天餐飲集團，在港開設的美顏火鍋店，美滋鍋，日前終於面世。難得Happy Friday夾到班食友時間，一於齊齊去滾。

半個行內人既筆者，早於去年已收到風美滋鍋會殺來香港，期盼既程度，有如高普等待利記攞歐聯冠軍。

店子以粉紅色作主調，加上門口的那隻熊Bear Bear，非常之girly。大概是因為店家主打美顏鍋，希望吸引多些女士光臨吧！

     

餐廳還設有Kids Playground，可讓七歲以下的寶寶耍樂，大人小朋友都開心。

開爐都需要時間滾，大家可先在外頭拿些小食，如涼拌木耳等開胃菜，頂住肚。另外，當然就是打邊邊的指定動作，混醬。

猶記得以前在中資機構工作，每次打邊爐總會先吃刺身，是晚我哋都有，是原條的鱆紅，蠻大的。肉爽，店方建議夾少許蘿蔔茸及蔥花點醋吃，而我認為齋醮醋已很不錯。

席上有小數辣友，一於來個鴛鴦鍋，膠原蛋白養顏美容鍋，以及滋補養生香辣鍋。呷了一口膠原湯，果真濃郁，後者甚至有枝蔘在內，湯底唔講得笑。

配料多不勝數，香港人吃火鍋總要有牛，安格斯牛小排，軟滑肉味濃，我獨力清了近乎半碟。

豬肉點了三款，分別有西班牙黑豚五花腩，黑豚肩胛肉，以及日本豚肉。日本代表肉嫩，腩位脂香豐盈，肩胛肉味濃，各有所長，結果全被我們掃光。

這裡的餃子與雲吞俱好，個人會比較欣賞韭菜豬肉餃，來得香口好吃。

炸響鈴又是香港人打邊邊的必備配料，輕輕拖一拖，保持微脆口感，又吸收湯底精華，肯定吸引。

店員會以刀叉人每位客人褪蝦殼，才放入鍋內。其實，放蝦子魚滑、淥麵等，侍者也會主動代勞，在人手短缺的香港地能做到如此，值得表揚。

鵝腸中芯保留了肥脂，咬落爽脆邪惡。仲有牛骨髓、層次豐富的芝士墨魚丸、質感煙韌之鴨血、甜美粟米及索味的蔬菜等，滿足到一個點。

點都要提一提這手工拉麵，口感超好，我甚至想問佢可否外賣回家吃。

最後，店方更會送上柚子沙冰，讓大家清清味蕾，是非常窩心的安排。

若是生日來惠顧的話，店員仲會為大家唱生日歌 (唔係Hea唱架！)，及送上粉紅玫瑰熊，巧高興的啦～

餐廳資料:
美滋鍋
旺角登打士街56號家樂坊8樓803號舖
31628238