蘇媽.蘇媽馬來西亞茶餐室 - 荃灣人的喜訊???

食物：$$$1/2

環境：$$$$

服務：$$$$

相信大家都知道，筆者是星馬菜系的忠實粉絲，所以深水埗的蘇媽蘇媽，雖然經常會大排長龍，我也嚐過好幾次，畢竟她是本地做得較出色的馬拉茶室之一。

早前得知，蘇媽蘇媽在荃灣開分店，雀躍不已，說好了要跟好友車媽媽來食番個午餐，反正佢每星期都要返荃灣一次。

去過深水埗總廚的朋友大概會了解到其旺場程度，所以預早少少等佢開門，是有必要的。

    

基本上是深水埗店倒模過來，這類店子實在容易複製。

餐牌也跟總店一模一樣，肉骨茶當然是必點。眾多豬肉/骨選擇之中，還是揀回一字排。兩件排骨，我吃的還好，肥瘦相間，咬落有點彈牙，但好友的那件就太瘦了，偏嚡口。至於個湯，好像比總店甜了點點，但仍可接受。後來加的湯，夠熱，自當更好喝。

竟然...忘了叫油炸鬼。

上次與車媽媽在總店吃過蝦麵，今次不如試試雞絲湯河？在本地而言，河粉算是滑，加埋雞絲、魚片及蝦，呢個價錢真的無咩投訴。只是，跟怡保的去比較，輸九條街。我明，我唔應該與之跟當地出品去相提並論。

很喜歡在檳城街頭買Otak Otak，這裡的至少做到微辣，其口感亦算不錯，但層次的複雜程度仍有所不及。

追加了串燒，微甜的沙嗲汁頗討好，豬肉與雞肉之間，個人較喜歡後者。

馬來西亞拉茶，甜到入心入肺，但茶味唔得濃。

六月檳城美食團，又唔成事，唉！

餐廳資料:
蘇媽.蘇媽馬來西亞茶餐室
荃灣大壩街71號地舖
35911208