新店速遞：The Hangout Corner - 放慢腳步

食物：$$$1/2

環境：$$$1/2

服務：$$$1/2

既喜歡打邊爐，又愛流連文青咖啡店，到底我係一個有無文化的人呢？我好混亂呀！

精神分裂症，可能就是這樣走出來的～

唔理咁多，是夜一於扮文化人，去新開的文青店子食晚餐。

位處普慶坊的店子，不論你在上環或是西營盤爬上來，也要一點腳骨力。這裡，Weekend應該還有點生意，平日夜晚真係唔敢諗。

    

先整份小食，七味一字雞翼。單骨雞翼當然不是首次食，吃起來更方便是優點。新鮮炸起，香脆夠熱，辣勁十足，做足香口小食應有的本份了。

要講呢間店既CP人值真的非常高，是晚我們點的兩客主食，法式油封鴨腿，同埋豬鞍架，均在一百個大洋之內。前者端上桌時，已陣陣飄香，肉質比預期中更嫩滑，蠻不錯。

加拿大豬鞍架，厚切，才九十八元，點睇？雖則厚身，但成品肉質軟腍，火侯控制到家。正如友人所說，如果有件更優質的吃橡果的黑毛豬，肯肯定會更滿足。

好友對菠蘿情有獨鐘，所以甜品選擇了焦糖菠蘿。香甜多汁，跟雪糕自是匹配，但雪糕大可選用更優質的品牌呢！

朱古力布朗尼勝在夠濃郁，與雲尼拿雪糕從來是天生一對。

呷口伯爵茶，再與好友風花雪月一番，是勞碌工作後應有的高質時光。

還感謝好友的仗義幫忙～

餐廳資料:

The Hangout Corner

上環普慶坊18號地下G2號舖

24680090