Cucina - 飄來白松露之香

食物：$$$$

環境：$$$$

服務：$$$$

一直覺得Marco Polo Hong Kong的意大利餐廳Cucina，景靚食物正，性價比又高，是值得一去再去的地方。

適逢是松露的季節，幾歹捉埋班朋友，齊齊去歎番餐白松露盛宴，奢華一番。

記得上次來之時，下著大雨，大剎風景。今趟天公造美，還幸運地被安排坐在窗邊，邊歎松露邊欣賞醉人維港美景，無以尚之的享受。

    

簡單的嫩滑炒蛋伴多士，刨幾片白松露，已經又香又美味。整多隻火侯控制得恰到好處的北海道帶子，倍添精彩。

意大利飯與意大利粉，配搭香氣四溢的白松露，同樣精彩。當然，廚子在烹調米飯和意粉亦看得出功架，如意粉咬口及蛋香十足，意大利飯口感尚佳，才令簡單的東西變得不平凡。

實不相瞞，我是更喜歡當晚的另一款意大利粉，紅蝦意粉。意粉質感同是保持得好，大蝦肉爽味濃，相當精彩。

雞胸以慢煮方式去做，自然能保持嫩滑，刨幾片白松露當堂矜貴晒。伴碟的椰菜球及鬆化的栗子，並不是茄尼啡，直頭可以獨當一面。

作為食肉獸，即使松露菜式多精緻美味也好，總亦想要更多肉類到肚，斧頭扒就岩晒！用刀一切，便知道生熟程度是剛好，再看見那粉嫩的色水，可加以肯定。吃起來肉質鬆化，富肉香，有水準。唔好錯過旁邊既烤蒜頭，絕對是極品，那怕吃完之後『呵氣如蘭』。

非常大球的雪糕，以金萡鋪面，再起勢刨上白松露，可說它浮誇，亦可形容為矜貴，兼且散發芳香。妙在加入了海綿蛋糕，豐富了層次，不得了！

餐廳資料:
Cucina
尖沙咀廣東道3-27號海港城馬哥孛羅香港酒店6樓
21130808