新店速遞：Cozy Coffee - 多一個可Hea的地方

食物：$$$$

環境：$$$$

服務：$$$$

荃灣南豐紗廠活化，成為了今天的The Mills，裡頭開了幾家咖啡室，讓家在附近的我多了幾個可以Hea的地方，多好！

呢幾間Cafe，筆者遲早會試勻佢，唔使急慢慢來。首先光顧的一間，是樓上的Cozy Coffee。

氣氛很輕鬆的樣子，個人特別喜歡這藝術牆身，結合桌子上之小盆栽，突顯品味。

   

連飲品也只是一版紙的餐單，產品結構非常簡單，其實Pasta也沒有。

原本想吃份All Day Breakfast，不過剛剛開業，很多東西還未準備好。是日食物就只有牛油果多士、煙三文魚多士，以及夏威夷薄餅供應。

挑了煙三文魚多士，當然仲要杯咖啡。雖然是簡單的東西，但看賣相便知店員是非常有心去做，多士之上的三文魚是有心思的擺放，旁邊的沙律菜亦仔細地排好。

多士仍脆，塗上酸奶油令層次更豐富。自行灑點點檸檬汁在三文魚之上，引出味道，會更可口。幾片沙律菜蔬新鮮，因此好吃。

呷一口Latte，係我鍾情的咖啡底，很醇和，喝得順喉舒服，讓這片刻寧靜，變得更美好。

待遲一步上左軌道後，我會來吃個All Day Breakfast。

餐廳資料:
Cozy Coffee
荃灣白田霸街45號1樓