Big Bay Cafe - 輕談淺醉不夜天

食物：$$$$

環境：$$$$

服務：$$$$

十二月，有唔少朋友聚會，有好多飯局，尤其是自助餐，因為我總覺得，聖誕是要食Buffet的。

搞埋些少手尾才來，到達時朋友們已經攞左好多嘢食，砌好個陣，剛好可以靚張食物大合照。

又壽司，又刺身，又熱食，仲有點心，同埋粉麵，超級豐富，現在回想起來都口水流。

快樂星期五晚上，既然咁高興，一於開枝香檳喝喝，與大家把酒談歡。

    

縱然滿桌都是食物，但點都要出去兜個圈。Cold Cut也有數款，有刺激亦有咸香的，岩晒我口胃。

凍海鮮從來是搶手項目，龍蝦水準比市面很多地方優勝，龍蝦鉗特別鮮甜。另外還有自助餐罕目的琵琶蝦，滿足了。

拿點龍蝦肉沙律，著師傅撈得靚仔一點，好睇又好食。

食食下，忽然聽到噹噹聲響，原來是燉湯，馬上去排隊。一盅我肯定飲唔完，取兩盅回來大家分享，最好。很清潤的湯水，在蔭蔭涼的天氣下喝幾口，份外舒服。

應節食品有燒牛肉與火雞，另外其他燒烤的食品，如虎蝦、粟米等等，同樣香口。

家陣好多酒店自助餐都有印度師傅坐陣，呢度都唔例外，出品自然來得比較正宗。

粉麵我實在再吃不下，但席上有愛吃麵食的朋友，呢個檔口佢一定唔會錯過。冬蔭公湯底配雲吞，看賣相知道應該唔差得去邊。

壽司與刺身也來我新鮮，個人較愛壽司多些，尤其是和牛與及帶子，質素不賴。

甜品更加是這兒的強項，朱古力是手製，當然新鮮可口。各式蛋糕精緻又美味。還有多種口味的雪糕，甚至是分子雪糕，甜胃表示大滿足！

一傾就是幾句鐘，完全捨不得離開，大家都要『揸柚』喔~

餐廳資料:
Big Bay Cafe
紅磡紅鸞道38號香港嘉里酒店3樓
22525246