沙田18 - 有幸能趕上

食物：$$$$

環境：$$$$

服務：$$$$

友人吹雞約去沙田18飲茶食晏，看看行事曆，被密密麻麻的鎖事塞滿，唯有無奈地推辭，請大家吃得開心點。

忽然，當天工作安排上有些改動，可以騰出時間，跟各位相聚，實在開心不已。

猶記得，每次到沙田18，都是吃小菜及燒味，即使中午來亦然，今次一於試下佢既點心。先是原隻鮑魚炸芋角，炸芋角這邪惡的東西，我本來就喜歡。入口鬆脆又夠香，頂頭加隻軟腍入味的鮑魚，增添矜貴感覺。

    

有炸的，也來款蒸的。紫薯百合菱角餃，賣相討好，紫色固然會令車媽媽大聲讚好。吃起來外皮軟熟不黏牙，混入菱角作餡料，口感脆爽，也是出色的點心。

朋友係湯怪，跟她吃飯，不論中午或夜晚，總不能缺少湯品。是日的花膠元貝燉雪雁，大大粒瑤柱已散開，可想而知火侯幾足。湯頭熱度十足，清甜得無話可說，這裡的湯水從來不會令人失望。

接下來的幾味，都是比較邪惡的菜色。無計啦，有我臨時赴會，一定要遷就我吃些邪惡的好西。田魚炒蝦毛，成品有幾分像小炒王。田魚炸得透徹，吃起來鬆脆無比，加埋惹味的蝦干、花生，以及韭菜，成件事很香口，送啤酒一流。

以為田魚炒蝦毛邪惡，還未算，跟住來的係咸蛋黃魚皮蝦球，問你死未！黃金蝦球爽口彈牙，香氣四溢；星洲的黃金炸魚皮掀起了吃邪惡魚皮的熱潮，新鮮炸起的口味自然更勝百倍。

就連炒蕃薯苗都要加豉蒜鯪魚落去，簡直是為我而設，這確實令嫩滑的蕃薯苗變得惹味很多。

單尾的開洋鮮菌拌麵線，個人頗欣賞麵線的質感。可能是汁醬，令秀珍菇帶出點點甘味。

雖說大家吃甜的食力已大不如前，但面對住精彩既焦糖爆谷雪糕、柑桔雪葩，及涼果朱古力棒，又點會唔狂風掃落葉般將之清掉？可惜我時間緊迫，無辦法跟大家吃到最尾。不過，能跟大家見過面，已經十分滿足。

下次再一齊去食好西~

餐廳資料:

沙田18

沙田澤祥街18號沙田凱悅酒店4樓

37237932