Flamingo Bloom - 可愛又解渴

飲品：$$$$

環境：$$$$

服務：$$$$

三五成群搵地方飲杯嘢吹下水，我哋梗係唔會排粒幾鐘去整杯珍珠奶茶，又唔想飲酒，有人提議，去Flamingo Bloom。

正呀！贊成贊成！佢個Flamingo既公仔好得意，影相好靚架！

 

說起來慚愧，我是從未幫襯過這品牌任何一間分店，或者是感覺太女仔吧～不過，大家話飲，我都唔介意陪大家坐下喝番杯。

相機食先既年代，各位都好著重飲品的造型，所以點來的分別有以原隻西瓜和菠蘿作器皿的飲品，均是夏日期間限定的系列。西瓜那杯我沒喝，反而試了口菠蘿的小鳳梨茉莉綠茶，菠蘿清甜得嚟，又唔會蓋過茉莉的味道，茶味頗出眾，有啲內涵喎～

我挑的一杯，係Naked Zero系列的，叫Violet。說穿了就是Smashed Blueberries。野莓加入杏奶的出品，紫色賣相，相信會引死某些人。喝起來沒想像中的甜，但甜度自然，感覺好足料，不是愈飲愈口渴的那種，夏日歎番杯，好消暑。

水桶友人喝一杯唔夠喉，再來杯水蜜桃茉莉茶，我老實不客氣呷了幾口。本身喜歡水蜜桃的筆者，自會對這杯飲料寵愛有加，查實跟剛的菠蘿那杯一樣，清香的水蜜桃味以外，也滲出茉莉花茶香，是有層次的。

坐得舒服又有足料好味的手工花茶飲，個人認為，好過去排珍珠奶茶囉。

話唔要話唔要，最終都係要左隻Flamingo水泡，攞番去俾外甥女BB玩。

餐廳資料:
Flamingo Bloom
中環士丹利街50號信誠廣場地下B號舖
51778255