Cobo House - 品味藝術

食物：$$$$

環境：$$$$

服務：$$$$

兩年前，我曾到Cobo House開餐，但只限吃甜，皆因Janice Wong的名氣，吸引我們到來嚐甜。

店子風格近月作出微調，走新派西、韓路線，身邊吃過的朋友均交口稱譽，我想，是時候要試試佢既咸點。

與友人早了到埗，便在旁的Artisan Room食件Bavarois Ring，飲杯嘢，Hea一陣才過去晚餐。

    

歎左件蛋糕，飲埋杯嘢，胃納狹小既我，已經飽左一截，戰鬥力大減，有點後悔。

甫坐底，先揀飲品，朋友揀左杯好靚既Cocktail，Blossom Sour。而我就選擇唔飲酒，來杯Mocktail好了。

友人同我都喜歡香口嘢，見餐牌中有軟殼蟹，就要了。廚子以巨型而口感尚佳的Yorkshire Pudding盛起香脆可口既軟殼蟹，作為英國忠粉既我，自然有分加。用田園風味既醬汁，加上日式芥末去伴香脆的蟹，份外清新。

另再柯打左兩款意粉，其中包括這味海膽意粉。在雪白的奶泡之上，放置一撮海膽，賣相果真引死人。輕輕撥開奶泡，底下的意粉帶有咬口，而且滲出微微韓式的辣味，好醒胃，又美味。至於主角的海膽，鮮味爆發乃預期之中。

咸點原本就此完結，可向甜品進發，但店員恐怕我們唔夠飽，建議多來一客Pasta，率之又點了份龍蝦意粉，係稻庭烏冬才對。

原隻焗龍蝦，火侯控制得宜，水準可想而知。以稻庭烏冬來取締意粉，更能吸收汁醬精華，注入亞洲原素果然更合我們口胃。

真的太飽了，無可能吃得下兩份甜品，單要近期在IG紅到不得了的Pop Mountain已足夠。有分大細的，分別是25cm與15cm高，我知自己食力，要細的便可以，無謂浪費食物。

說穿了，Pop Mountain就是粟米雪糕加爆谷，砌成像山丘，重點是店員刨上的粉紅岩鹽，咸咸甜甜的，令本身已美味的粟米雪糕，更上一層樓。

此時此刻，咖啡也喝不下，一杯伯爵茶消消滯丫唔該！

餐廳資料:
Cobo House
西環石塘咀南里8-12號地下及1樓
26563088