包販子 - 偽文青聚在文青店?

食物：$$$1/2

環境：$$$$

服務：$$$$

話說，本年度7788第一回，我哋去左有意義的社企越南菜館，大歎平靚正越南菜 (可按此重溫！)。至於第二回，鐵定在太子的包販子舉行。

此店不設訂枱，唯有先到先霸位，還好我們都可以來得比較早，當時食客還不多。

店子充滿文青Feel，近門口的小角落有賣小量文具、衣飾等，蠻有趣的。

    

先整個包販子沙律作熱身，各式菜蔬以餘，配料還有核桃、茴香、洋蔥等，感覺健康。

在座全部人都是薯條怪，於是又來一份薯條。份量非常之多，而且香脆熱辣，重點更在於自家制的蒜茸蛋黃醬之中，不禁令人一條駁一條放入口中，縱使係咁大兜，也可被我們徹底清掉。

既然呢度係賣包出名，就點兩個包子吧！其一是北京填鴨包，我是填鴨迷，自當喜歡上這個包。微脆的包身，鬆化的鴨肉跟爽脆青口，配埋又甜又醒胃的鴨醬，的確可口，我沒揀錯。

另一款係軟殼蟹包。軟殼蟹夾著蕃茄與生菜，以及醬汁，有幾分似在吃漢堡包。包身同樣是微脆，軟殼蟹香脆可口，都不俗。

又試試呢度既意粉，係香蒜辣炒大蝦意粉，質感是偏硬，大蝦都幾彈牙，仲附上魷魚圈，味道尚可，就是欠了一份辣勁。

無得訂位，要安排甜品寫Happy Birthday字樣便有點麻煩，唯有請友人扮痾屎，再去叫店員安排。

點的兩份甜品，分別是陀地西多，以及阿福駕到(affogato)。個人較欣賞前者，西多伴雪糕，混入焦糖醬及煉奶，邪惡就梗的，但堅美味囉。

談起，做人很幾化學。下年，仲未死既話，再食過～

餐廳資料:
包販子
太子通菜街254號地舖
26565605