2018年8月1日 星期三

越老 - 老而彌堅



食物:$$$1/2
環境:$$$$
服務:$$$$

又到左7788生日飯的第一回,是晚難得車爸爸放假,邀請埋佢一齊來。

地點又我去諗,忽然醒起朋友在世界盃提及過的社企餐廳,越老。

越老,就是做越南菜的,係銀杏館旗下的餐廳,所以都是聘請老友記為主,鼓勵老人就業。

店員,年紀大了,服務卻一點不差,活力比好多年青人更充沛,態度比起許多食肆的要好百倍。
   


雖然聘用老友記居多,餐廳裝修又出奇地時尚型格,與我想像中有很大出入。


二人餐好抵食,就叫份套餐,另加些少嘢,足夠有餘。小食拼盤賣相都花過心思,炸春卷與雞翼香口;軟殼蟹有點硬,並不是蟹本身的問題,大概係粉漿作怪。米紙卷唔夠分,我就沒吃,但看起來是包得緊緻又足料的。至於蒜茸包,沾咖喱汁吃最好,所以我們是點了咖喱大頭蝦的。


套餐跟兩碗粉/檬,份量大,仲可以雙拼。分別要了雞絲扎肉湯檬,以及牛肉白魚蛋河。前者雞湯味好濃郁,想不到社企可有如此水準。相比之下,牛湯反而較為清淡,幸好牛肉仍軟腍,配料尚好。


順化豬手是我指明要點的,豬皮膠質豐富,而且入味,吃一件不夠喉,安哥了一件。如胃口夠大,來碗白飯,汁都撈埋。


咖喱大頭蝦,會跟上蒜茸包的。正如瑪姬所言,咖喱汁有點港式,但都總算惹味,汁醬配蒜茸包一定無死。大頭蝦嘛,顧名思義頭大多羔,蝦身其實都爽口,合格的。


跟餐仲有個菜,一於要蒜茸白菜仔,就是炒碟菜的賣相也可見師傅有心機過人。


甜品兩小件,一人一啖搞掂。

傾到唔捨得走,只期待7788第二回,可惜車爸爸應該再無假期了。

Send啲相毒下佢啦唯有......

餐廳資料:
越老 

6 則留言: