海外篇：Woosa - 鬆軟可口

食物：$$$$

環境：$$$$

服務：$$$$

近期台灣最爆紅的鬆餅店，非Woosa莫屬。呢所由高雄紅到上台北的雲之鬆餅，殊不簡單。筆者雖不是疏乎梨班戟的狂熱愛好者，但既然來到夢時代Shopping，若然夾到時間又唔使排隊的話，不妨一試。

   

四點左右，竟然有大把位，仲可以揀座邊，我是在造夢嗎？我沒去錯老翻店霧之鬆餅吧？

本想吃一款咸食，再加一份鬆餅，不過我胃納太狹窄，之後又要去另一個地點晚飯，Probably仲有消夜，唯有放棄咸點。

選來一客店家招牌的檸檬冰淇淋鬆餅，班戟是看得出的鬆軟，吃起來的確就是軟熟綿滑，充滿蛋香，檸檬醬的酸度來得自然，美味程度是香港沒有一間班戟店可以媲美。再配上一球香草雪糕，好精彩，好想追加一份。

為起港紙六十蚊，已包埋飲品。我挑的伯爵茶，茶壺上，可愛的貓頭鷹茶壺有效令心情好一些。

靜靜呷一口Earl Grey Tea，好像比飲咖啡奶茶來得舒服。

何解我在香港總不愛喝Earl Grey呢?

餐廳資料:

Woosa

台灣高雄市前鎮區中華五路789號

(886)78213465