Fast Taste - 要食漢堡

食物：$$$1/2

環境：$$$$

服務：$$$$

下午接近一點鐘，收到舊同事短訊，是約食Lunch，話有啲嘢要請教我。

食晏無問題，但在搵食上有一定話事權既我，忽然想吃漢堡喎，舊同事當然沒有反對，齊齊往元州街方向行去。

話說上次試了布萊恩·L食堂，今次就輪到隔壁的Fast Taste。

繁忙時間也沒太多人，不單可直行直入，仲有得揀位，生意難做。

   

漢堡是吃定了的，差在是那一款，另外叫份午餐，些牙也好。加幾蚊就可換小食，可樂而不為？

結果，兩款都是香口的，炸雞翼配洋蔥圈。雞翼炸得有點硬，有改善的空間。看來對方是洋蔥圈的忠粉，只見他一圈駁一圈地吃，茄醬都唔使點，我也不好意思跟他爭食。

貪心一點，要個公司漢堡，多一些花款。兩塊牛肉，分別是自家制的，以及和牛。仲有車打芝士、煙肉、生菜、蕃茄，甚至是黑松醬炒蛋作配料。

整體水準還好，兩塊牛肉至少鬆化，煙肉香脆亦沒乾硬化，最重要是邪惡的半溶芝士和蜜糖芥末醬，愈邪惡從來愈快樂。

午餐挑了海鮮墨汁意大利飯，個人食意大利飯，至著重口感，但這裡的不是我想像中的，大蝦也不是上等貨色，唯一是吃到烏咀狗咁樣，大家嘲笑一番，多些歡樂。

意大利飯還未吃完，日理萬機的舊同事電話響起，公司又有 『爆鑊』要佢回去處理，真係食餐安樂茶飯都難。

佢急急腳離開，我也不想孤單的逗留，快快飲完杯COT，結帳走人。

張單有人埋左啦喎！店員說～

餐廳資料:

Fast Taste

長沙灣元州街482-492號金碧閣地下4號舖

91233262