港口味冰室 - 童年時

食物：$$$1/2

環境：$$$$

服務：$$$1/2

不諱言，我是在蘇屋長大，是個不折不扣的屋村仔。

小時候的活動，不外乎去公園和球場踢下波，打下乒乓球，之後番屋村嗰間杜鵑茶餐廳，食隻雞髀，飲杯紅豆冰，或者凍檸樂。我的童年，相信比現今大部份的小孩愉快。

蘇屋村重建得七七八八，山頂幾幢更已入伙，暫不見杜鵑茶餐廳回歸，大概是老闆早已告老歸田。

無得食番杜鵑，是日就在附近的港口味冰室，吃份下午茶。

   

雞髀押埋店名，叫做港口味炸髀，應該係好嘢卦，來一隻。

炸髀要用手食，才夠風味。拿起手咬下去，好鬼熱，外皮屬硬脆，而且真有點硬，還幸肉嫩，同沒有太乾。

飲品方面，餐牌中除了傳統的紅豆冰外，更發現有款特飲，茶走紅豆冰，我倒是第一次喝。

茶走沒有甜到漏，紅豆份量都唔少，幾飽肚，不過紅豆就唔算太粒，及唔上澳門喜蓮那杯咁吸引。

可以揀，我都想住番蘇屋，不過依家住蘇屋既人，講普通話多過廣東話。

餐廳資料:
港口味冰室
長沙灣元州街409號地下
59669181