新店速遞：樂湯雞麵館 - 麻甩佬吔雞勝地

食物：$$$1/2
環境：$$$1/2
服務：$$$$

許多人會跟飲食雜誌或網站搵食，但我其實從來唔會買呢類雜誌，最多公司有既時候會揭兩頁望下。

我找吃，大多是「狗屎撞棍」咁撞番嚟，可能會比人多走些冤枉路，中伏機會大幾倍，但偶爾還是會發現好東西。

某天，誤打誤撞看見一間「樂湯雞麵館」，名字幾有趣，反正未食晏，入去一試也無妨。
 

紙皮石地磚，圓櫈與接枱，是日還要係賽馬日，電視播放著跑馬仔，非常麻甩的格局，岩我。

店名叫做樂湯雞，不難猜，店子是以雞為招牌菜色，雞煲翅、砂鍋雲吞雞、藥膳雞，以及沙姜雞都是推介。

早已拒絕再吃翅的筆者，選擇了砂鍋雲吞雞，難理大熱天時，吃得滿頭大汗。

一個砂鍋熱辣辣端上，內裡雞件數量不少，反而雲吞只得兩粒，可以慷慨點麼？

依習慣飲匙湯，又幾清甜喎！雞件嫩滑，唔怕嚡烚烚，雲吞細細粒，散尾，皮滑而且豬肉餡多於蝦，是我喜歡的格式。

可跟米粉、米線、河粉、白飯或者刀削麵，總覺應該配碗白飯。

吃至大汗淋漓，喝罐冰凍可樂補救下吧～

太飽，打消了去附近飛龍飲咖啡的念頭。

餐廳資料:
樂湯雞麵館
九龍太子白楊街9號地下
23286200