食物：$$$$
環境：$$$$
服務：$$$
以往對通菜街的餐廳無乜好感，是FooDo令我改觀，原來這條街也不盡是劣食集中地。
最近，呢條街又多了間人氣店，叫做十三姨。看老友在Fb上載的一張老闆娘鵝肝煎蛋撈飯相片，唔使講嘢，我決意要去會一會佢。
一點半左右來到，剛巧有人埋單離座，成功霸到張二人枱。其實是我們好彩，早來一步，因為跟住開始要排隊。
朋友點了碗十三飛，材料大概是安格斯牛、牛腩、溏心蛋、粉絲加米粉。
呷了口湯，確實充斥濃郁牛香，足料之作。灑點青檸汁後再嚐，頓時多一份清新氣息。不怕辣的話，再來點十三姨秘制辣椒醬，又是另一番滋味。
牛腩來得鬆化，安格斯牛味道濃，溏心蛋我沒吃，但目測是做到應有效果，朋友也大讚水準不俗。
我是為老闆娘鵝肝煎蛋撈飯而來，自然不作他選。三塊鵝肝，一隻燶邊、蛋黃搖搖欲墜的太陽蛋，仲有乾蔥、京蔥以及XO醬，呢個組合，唔好食至出奇。
唔使教，將蛋黃破穿，蛋汁、雙蔥及XO醬拌勻，唔需要餸都可以幹掉一碗飯。再咬一口甘香、入口溶化的鵝肝，不羨仙。
畢竟年紀唔細，若一口氣吞下三塊鵝肝，恐怕會即場暴斃。有福同享，有禍同當，分一件鵝肝俾朋友，齊齊高呼膽固醇萬歲！
天時暑熱，一杯冰凍的岩鹽柚子雪碧，爽呀喂～
手撕雞拌雞油飯，係我下一個目標。十三姨，等我呀！
餐廳資料:
十三姨
嘩要去排隊喇！
回覆刪除Gogogo~
刪除真係好邪惡呀!!!!!
回覆刪除邪惡軸心
刪除打鐵襯熱，快啲試埋手撕雞吖！：)
回覆刪除俾D時間我
刪除