泰屋 - 泰輕鬆之夜

食物：$$$1/2

環境：$$$1/2

服務：$$$1/2

因工作關係，與舊合作伙伴Kathy再次聯絡上，無論成事與否，大家都該出來食餐飯聚下舊，對嗎？

佢又忙我又忙，夾了好一段時間，終於找到個週五晚，大家均有空，可以渡過真正的Happy Friday。

選在旺角附近等，純粹是就大家方便，並沒有什麼心水餐廳在那兒。

走到這幢食廈，點指兵兵形式挑了一間，吃泰菜的，叫做泰屋。

有理無理整份小食雙拼，揀選左蝦餅，同埋春卷兩款香口嘢，岩我。蝦餅總算彈牙，醮酸酸甜甜的汁醬，美味。春卷是香脆足料，只是色澤未夠金黃吸引。

黃咖喱牛筋腩，是餐牌中榿起拇指的項目。牛腩份量多，件件鬆化，反而牛筋屬硬淨的版本，不是我喜歡的款式。要有衣食，唔好浪費咖喱汁，叫碗白飯來伴之。

雞蛋網住的Phad Thai，賣相算係咁，吃起來惹味，卻不是很辣，碟邊放有點辣椒粉，各位辣魔有需要時可自行出手。

我倆都是重口味人士，食菜也要點來惹味的馬拉盞少椰菜苗。爽脆的椰菜苗是小數我喜愛吃的蔬菜之一，加埋咁惹味的馬拉盞，岩食。

以為食泰菜會好辣，要來杯三色冰以防萬一，可惜無用武之地。

太耐無見，實在有說不盡的話題，即使傾到人家打烊，仍意猶未盡。

留個藉口下次再聚吧！希望下次，不會是一、兩年後。

餐廳資料:
泰屋
旺角彌敦道726號2樓
28073366