雞匠 - Le Creuset是賣點

食物：$$$1/2

環境：$$$1/2

服務：$$$$

尖沙咀金巴利道，有間叫雞匠的食肆，既是吃串燒，又馳名海南雞，我答應了跟舊同事「雞王」前來一吃。

小店在金巴利道尾，但公開飲食網站註明是柯士甸路15號地下A號舖，若你跟著地址找，又會瀨嘢。

其實，正確位置，就在金巴利道尾的7-11對面。

    

小店一間，沒太多裝修，晚上吃串燒為主，中午就是海南雞等碟頭飯。

不過，呢個碟頭飯唔嘢少，因為大部份餐具都是不惜工本，採用法國名牌Le Creuset，企圖打造住家風味。以名牌碗子盛起附有櫻花蝦在內的雞湯，感覺寧舍美味，唔知係咪心理作用，哈哈～

海南雞飯是必然正選，另還點了一客咖喱牛腩飯，大家分享。海南雞給予髀位，唔怕甩皮甩骨，吃起來皮爽口有彈性，肉質嫩滑，醬汁不是行貨，的確幾好。唯油飯尚未夠香，是可改善的地方。

咖喱牛腩的辣度是我可以接受，但香料層次稱唔上十分豐富，只是合格的咖喱。不過，牛腩唔錯，有肥有瘦，瘦的亦沒有太韌，吃咖喱最重要還是薯仔，粉嫩可口。

飲完杯凍檸檬，又要上路～

餐廳資料:

雞匠

尖沙咀柯士甸路15號地下A號舖

34622765