Cafe - 聖誕，要再食自助餐

食物：$$$$

環境：$$$$

服務：$$$$

都話過，聖誕最好既節目，係食Buffet~

在灣仔萬麗海景酒店吃過精彩的活龍蝦自助餐後，翌日再到沙田凱悅酒店，繼續我的自助餐生涯。

十二月，理應就是讓人高興的日子。相信係，除非唔係。

話時話，我嚟親呢間酒店，十居其九都係食沙田18，試過一次參與Pool Side Party ,自助餐堅係第一次。

    

水準是意料之中的出色，尤其是十二月，除了基本的沙律、壽司刺身、燒味及熱莗等，還加插了四個特備項目，讓大家驚喜萬分。

特備項目之前，先睇睇佢平時都有得食既嘢，燒味來得有板有眼，凍海鮮向來是受歡迎食物，雖沒有生蠔，但當中的蟹腳及帶子我最喜歡，邪惡既朋友更拿來沙律醬去配後者，去得好盡下。

我覺得熱葷是這裡的強項之一，腊腸炒荷蘭豆惹味，田雞腿肉質彈牙，豬筋骨烤得香口，蒸魚都唔會過老過韌。

四大皇牌特備節目每隔半小時上映一次，第一項是海膽刺身飯，聽見叮叮叮叮聲，大家懂走出去排隊了吧！什錦刺身新鮮不在話下，海膽又是十分鮮美，呢個咁高質的丼飯打頭陣，對往後的特備節目只會更為期待。

  

半個鐘後，叮叮叮，第二炮又來了，這次將燈光較暗，皆因主角的芝士龍蝦拼肉眼扒，是會點火的，火光熊熊的引來大家嘩嘩叫聲。

龍蝦香口，同埋超爆羔，只是師傅調味稍為重手，過咸了。肉眼就烤得香口，且保持嫩滑質感。

第三炮輪到中式熱食，還要是矜貴的鮑魚花膠炆冬菇，師傅拿著一大鑊滿滿的出品逐碗分，大家的相機手機閃過不停。

花膠的骨膠原豐富，鮑魚軟腍入味，冬菇又大又厚身，真吸引，以白飯來伴之，實是很高的享受。

大家都好清楚，最後一個皇牌特備項目會是甜品，所以先多吃些咸食才算。有人拿了碗「車仔麵」回來，即管試點魚蛋和豬皮，幫輕下佢，平日我多數會Skip粉麵檔攤喇。

好了，壓軸的驚喜，係火焰雪山，可惜燈光始終太光，不太影得到火餡。但論水準，梗係合格有餘。

其實仲有一系列的聖誕甜品，如樹頭蛋糕、造型似聖誕花圈的慕絲蛋糕等等。

以玻璃杯子盛起的黑森林蛋糕甜品，香濃又散發酒香，更加是必吃之選，怕太漏的話，可請師傅加少點忌廉就是。

再飽，也要吃雪糕吧，是哈根大師的出品，每款口味取一球回來，大家分甘同味更好。

餐廳資料:

Cafe

沙田澤祥街18號沙田凱悅酒店大堂

37237952