食物：$$$$
環境：$$$$
服務：$$$$
普天同慶的大日子，最佳節目肯定就是食食食，自助餐當然也是首選，記得小時候每年聖誕都會吃一次Buffet，所以聖誕絕對是全年我最喜歡的節日。
灣仔萬麗海景酒店，是城中最誘人的Buffet之一，那裡的蒸活龍蝦無出其右，吃半邊肯定不夠喉，現在想起我都口水流。
當然還有其他回本位，像帶子刺身、法國生蠔，名牌雪糕等等……
佳節期間，增設節日食品不在話下，火雞、楓糖火腿、燒牛肉等都是聖誕必備，Prime Rib固然不錯，但當晚的火腿才是至愛，外皮烤至焦香，滲出甜甜的蜜味，肉質軟腍可口，精彩。
凍海鮮向來是受歡迎的項目，雖則此項並不是酒店的強項，但凍蝦、翡翠螺、青口及蟹腳等，怎樣也會吃一點。而最多人搶攻的，毫無疑問是法國生蠔，Fine de Claire，十二月也正是時候。
講到海鮮，我又要提呢度既活龍蝦了，即席的將生猛龍蝦蒸熟，配合十款醬汁，實在無與倫比。
每人每次只限取半隻，龍蝦肉超級鮮嫩甜美，龍蝦鉗及骹位更加出色，貴為酒店的皇牌推介，自然唔講得笑。
平時去酒店食自助餐，若遇上狀態不佳、食力不足之時，壽司刺身一欄往往我會Skip。然而，呢度既帶子刺身，是無可能錯過，隻隻肉厚又肥美，鮮甜度爆燈，我要「安哥」一碟。
燒大蝦及牛柳，同是佳節特備食品，兩者也烤得香口，牛柳鬆化，但太多美食，只宜與朋友分享。其他日子，會供應烤羊架、三文魚、牛仔骨等～
喜歡飲湯既朋友，呢度每晚均有燉湯供應，是晚係蟲草花燉雞肉豬展，來一碗分甘同味吧～
平日，十居其九會放棄的粉麵，這晚我決定拿一碗，因為有我喜歡的喇沙。超濃郁的湯頭，味略略偏甜，多款配料跟上參參，滿足。
好飽，係時間進入甜品環節，酒店必會提供多款節日甜品，如木頭栗子蛋糕、以泡芙組成的聖誕花圈、雪人蛋糕、聖誕Cupcake等等，睇見都開心。
泡芙軟腍，雪山提拉米蘇可愛，紅莓朱古力蛋糕香濃可口，栗子木頭蛋糕亦合我口胃，大部份甜點都滿有水準。
哈根大師雪糕，是大人小朋友都唔會走漏的食物。
你中意聖誕節嗎？
餐廳資料：
Cafe Renaissance
超like聖誕節，但dislike節後的肥腩.....
回覆刪除我都係囉~
刪除