食物：$$$$
環境：$$$1/2
服務：$$$$
十二月是濶太生日的大日子，想與忙於周遊列國吃喝玩樂的她吃頓生日飯，早一個月預約是起碼的。
平日吃慣山珍海錯的她，唔通要同我食粗茶淡飯咩，所以即使瀕臨山窮水盡既筆者，也要找個好的地方跟她慶祝下。
原先她是挑了新開業的過江龍六公館，可是店子近期熱爆，已早早訂滿，唯有再覓他選。結果，我們來到了岩浪。
各點了一份定食，大家分吃便好。午市套餐會跟上沙律、味噌湯及茶碗蒸。車厘茄清甜多汁，沙律菜新鮮，撈埋醒胃的胡麻醬，很快便被吃清。
茶碗蒸勝在熱度充足，放入咀巴時仍是燙，蒸蛋質地滑溜，而且有齊銀杏、菇粒、蝦等等，十分足料。
我點的主食先上，係北海丼，蟹鉗、牡丹蝦、三文魚、帶子、海膽及三文魚籽等，非常豐富，而且很新鮮。蝦及帶子肉質甜美，海膽相信是日本貨，鮮味足。蟹鉗用手拿起來吃就夠豪邁。每口米飯要夾雜著魚籽才是王道。
濶太點的是天婦羅，我強搶了一隻蝦及粟米芯來試。黃金衣裳是薄薄的，亦沒很油，合我心意，個人是不太喜歡又厚又硬的出品。粟米芯爽脆，保持水份，有水準。天婦羅蝦也好，尤其是蝦頭，乾身兼且脆卜卜。
套餐可配雪糕或者咖啡，主角吃雪糕，是黑芝麻口味，頗濃郁。
天寒地凍，我都係飲杯咖啡醒醒神穩陣，始終這類日式料理店的咖啡，定必是四平八穩。
但願明年，大家一切都順順利利～
餐廳資料:
岩浪天扶良日本料理
沒有留言:
張貼留言