順景餐廳 - 五大奶茶之一

食物：$$$1/2

環境：$$$

服務：$$$1/2

話說，早前曾介紹過荃灣的冠荃茶記後，收到不少回響，有人私弟下問我點樣去，有人問有無其他地方的奶茶推介，云云。

的確，能成為港式食物(飲料)的代表，又是不少香港人每天唔飲會死的東西，奶茶絕對是一個大學科。

記得曾有「專家」去點評奶茶，又話要睇茶葉年份，又話要掛杯，好似飲紅酒咁，非常架勢。

筆者就無咁既級數，純粹貪食懶飲，全憑個人感覺，飲得順喉合心，就是一杯靚奶茶。

   

大角咀呢間順景餐廳，食物唔算太吸引，不過佢杯茶，於我心目中，即使擠不進全港三甲，也必定是五大。

有一年時間曾在大角咀番工，中午時份為了杯奶茶，就跑過來這裡。

好胃口時會食飯，個人其實鍾情簡單的雞蛋腸仔飯，當然是太陽蛋。微微燶邊，蛋黃搖搖欲墜，是最誘人。將蛋黃破穿，任由蛋汁滲進米飯內，是小學生也懂的最佳吃法。腸仔雖沒煎香，還好仍夠熱，勉強收貨。

沒胃口的時候，很可能一碗意粉/麵就算，沙嗲牛麵(或意)、雪菜肉絲麵等也是大路之選，最愛的卻是紅腸麵。說是公仔麵就呃你既，至少仍渌得爽口。許多地方的紅腸是凍冰冰(或只是暖)，佢真正熱得燙口，個人很欣賞。

主角始終是杯熱奶茶，茶醇厚而味道濃，同時不失奶香和滑，絕對是喝得順喉又醒神的一杯靚茶。

似乎，又係時侯再去回味一下～

餐廳資料:

順景餐廳

大角咀福全街56號地下

2392-5554