Westwood Carvery - 這個聖誕有排嘆！

食物：$$$$

環境：$$$$

服務：$$$$

踏入十一月中旬，大大小小的聖誕派對接踵而來，其中一場我引頸以待，在蘭桂芳的Westwood Carvery舉行。

餐廳位於和安里(請不要去錯安和里)，設有兩層，我們仗著人多，包了一樓來開爬地吃好西，好不熱鬧。

香港人收工無定時，呢個苦況相信你我心知肚明。大家吹住水飲杯嘢，慢慢等齊人才開始。

 　　

食住麵包先就最實際，新鮮邊位脆，塗上牛油定必可口，但記緊要保留食力，之後海量的肉類在等候我去對付。

擺明會吃超級多的肉類，先來個大沙律，叫做平衡下又好，打開胃口也好，是有必要的。

完成了菜蔬，師傅將大盤的肉類捧出來，既有春雞，又有豬筋骨，當然還有主角的牛扒了。

牛扒始終是焦點所在，那麼，一切先由Prime Rib開始。看其嫩紅的顏色，已知唔錯。的確，入口非常鬆化，夾雜脂香，End Cut位置尤其精彩。雖然肉味沒其他部位重，依然不錯吃。

再來就是Short Rib，香氣撲鼻，肉味濃郁，較為口感，重點在於近筋膜的位置，簡直是爽脆，甚高分數的。即場作了個小統計，愛Prime Rib與Short Rib的朋友各佔一半，實在難分高下。

春雞與豬筋骨，前者香嫩，後者鬆化，說實是不差。可是珠玉在前，難免給牛扒搶去了風頭。

有牛扒要有薯條，新鮮炸起，香脆熱辣的薯條，大家只會搶住去食。

瘋狂地吃肉，唔飽就有鬼，就是最後的甜品也得要放棄，否則又再獲利回吐就唔好了。

現在預祝大家聖誕快樂，會唔會早左少少？

餐廳資料:

Westwood Carvery

中環蘭桂坊和安里2號地舖

28698111