食物：$$1/2
環境：$$$1/2
服務：$$$
繼續在D2 Place二期搵食。
並不是特別喜愛這個商場，只因為之後會在附近打波，貪方便而已，反正呢個場仍有些餐廳我未曾試過。
今次挑中了一間叫Kool，據問是集KOL與餐廳於一身的地方。孤陋寡聞既筆者，實在唔明白是怎麼的一回事。Any肥，講我都唔會懂，輕輕鬆鬆來食餐lunch就算。
餐廳是半自助形式，即先到收銀位置購票，拿個號回去乖乖坐下，稍後會有人送餐俾你。
照例與波友各選一款，開心些牙。先送來的，是對方的芝士牛肉漢堡，切了細半來試，包身有欠軟熟，牛肉更加像我荷包一樣，呈現乾硬化。旁邊的薯條，竟也是不熱的，教人大失所望。波友更說，老麥個自選漢堡，價錢便宜一半，仲好食過佢。
可能大家會猜到，本人之選是卡邦尼意粉。什菌、煙肉等配料不缺，但不是我想要的版本。唔得滑唔夠香，但也不致於難食既。
天氣實在太熱，迫於無奈選一杯凍檸檬茶，以取代我平時喝慣的Latte，希望不是損失吧！
看來，我是不適宜踏足KOL場地，哈哈！
餐廳資料:
Kool
凍薯條好難頂啫！
回覆刪除未至於凍既, 唔熱囉~
刪除個burger賣相真係“乾”咗d！
回覆刪除牛肉真係乾的誇張
刪除