蘭苑饎館 - 真心膠

食物：$$$$
環境：$$$1/2
服務：$$$1/2

屹立太子多年的蘭苑饎館，賣龜苓膠賣到出晒名，先前連續幾年獲得米芝蓮推介，實力不容忽視。

趁三條麻甩佬聚頭，唔怕迫唔使坐得太舒服，我便提議來吃些小菜，整番碗久違了的龜苓膠。

快樂星期五的蘭苑饎館，七點半未夠已經座無虛席，幸好有人先來到霸位，否則大家可能要過對面酒吧繼續麻甩聚。

有人見到有鳳爪供應，雙眼發光，大抵是平日老婆不許他吃，今晚出來放肆一餐。就先來一客沙茶鳳爪煲，每隻鳳爪亦軟腍入味，廚子更加入了豆卜，吸盡沙茶醬汁之精華，幾乎要「安哥」一客。

這裡的傳統都是跟菜蔬，粥粉麵飯任裝。所以再來兩味，也是米飯的良伴。瑤柱肉末蒸水蛋，滑溜的水蛋容易令人不自覺間吞下半碗飯。平日吃肉餅，不是咸蛋便是咸魚，今趟可以重口味一點，來個南乳蒸肉餅，效果意料之外的好。

天氣始終太熱，濕濕地要碗淨菜肉雲吞，皮薄而餡足，漲卜卜的味道亦不錯，湯頭是加入大地魚之作，收貨有餘。

好了，去到焦點環節，龜苓膠時間。由入門版幾十蚊的龜苓膏，到六百五十的龜苓膠，任君選擇，豐儉由人。

採取中庸之道，點了盅$210的膠，拍過照後，店員會幫你倒入碗並攪勻。甘過金仔，苦過Dee Dee的出品，怕苦可自行加糖漿，總之就是真心膠。

又些牙了一碗招牌的「鬼口水」，即開心果糊，不過影到震騰騰，就無謂放出來。水準當然是出色，值得大家親自去會下佢。

餐廳資料:

蘭苑饎館

太子西洋菜北街318號集賢樓地舖

2381 1369