新店速遞：烔記餐室 - 晚上不能烔

食物：$$$1/2

環境：$$$1/2

服務：$$$1/2

曾經有個星期六，在煩惱搵餐廳晚飯時，老豆提議去新開的茶餐廳炯記試試。

走到去門口，拉。左。閘。既。喂！！！新開無耐就做唔住？立馬上網搜尋，原來不做晚市。

另一天，要食自己之時，選擇來了這裡。

店子都幾滿，門口開始有人等位，不過一條友就相對容易搵位，只要唔介意搭枱便是。

   

餐廳自稱以手撕雞馳名，有麻辣與鹽焗兩種做法選擇，可配白飯，或者撈麵，粗幼麵都得。既然有店自慢，那就不作他選。

不論你吃什麼，店員先放低碗例湯，是花生雞腳湯，補腳骨力。至少不是淡而無味的例水，同埋真的有隻雞腳在內，無偷雞。

不消一會，鹽焗手撕雞鵝油撈麵送到，我配的，是幼麵。

手撕雞稱不上十分嫩滑，還幸仍散發香氣，底下有些青瓜條，感覺健康點。鵝油撈麵，就是香。原本，配粗麵應更恰當，我卻一向對粗麵無乜好感。這幼麵，也來得爽口。

今時今日的鹽焗雞，雖不能說難食，卻就不是昔日那個味道。懂的自然會懂！

茶走做得不俗，茶味濃香，不失香甜，喝得舒服，比撈麵更得我心。

若然我再來的話，是為了茶走～

餐廳資料:

烔記餐室

荃灣沙咀道209號地舖

3704 7667