海外篇：和平茶餐室 - 信自己直覺

食物：$$$1/2

環境：$$$

服務：$$$

檳城街頭許多大大小小的茶室，格局差不多，到底是否隨便一間都咁正，我來做個小測試。

憑感覺走進了一間，相信是旅遊書本沒有介紹的茶室，和平茶餐室，希望我的直覺，唔會太差，雖然我號稱地獄黑仔王2號。

與朋友各自點了些食品，湊埋一起，大家開心些牙。

  

 

打頭陣吃福建蝦麵，是油麵與米粉結合的參參，合晒我心。呷口湯，酸酸辣辣好醒胃，還滲出鮮味，是金狗蝦的功勞。蝦、豆卜與雞蛋，反而是我不太關心的配料。

從來注重健康的朋友，竟然放肆起來，端上一碗豬什米粉。米粉我只嚐了少許，作為正義朋友既我，焦點梗係落在邪惡的粉腸等內臟之上，同埋，佢既肉丸都幾出色的。

總覺得來到這類地方，一定要食炒粿條，夠鑊氣夠惹味，是預期之中，再乾身一點或會更好。

飲品是一大弱項，我選的百香果茶，味淡如水，朋友的紅毛榴槤，也未見好得去邊。

今次，都唔算黑仔，至少三款食品，也在合格之上。

檳城之行仲未完架，Stay Tuned~

餐廳資料:
和平茶餐室
211 Jalan Penang (at Lrg Kg Malabar), 10000 George Town, Pulau Pinang