晉薈 - 向左走，向右走

食物：$$$

環境：$$$1/2

服務：$$$1/2

探外甥女BB前，先去飲餐茶。

可能仍是過年關係，早一天訂紫粵軒，竟然爆滿。我的目標，立即轉移到隔鄰酒店的晉薈。

訂了枱，亦要等候十來分鐘，最後也只是夾硬加張枱在隔離日本餐廳「稻」那邊。兩間餐廳，同一屋簷下，自當可以有此安排。

在日本餐廳飲中茶，我還是第一次。細心留意下，原來鄰桌，都係食緊蝦餃燒賣與炸雲吞。

  

 

本人已幾年沒來，仲一心想吃阿鴻的鹵水鵝，誰不知阿鴻小吃既鹵水檔，已消失了近兩年時間。

那唯有點心以外，再點個炒飯。賀年點心仍有供應，老媽子話要年年有餘，即是魚餃，造成魔鬼魚既樣子，皮頗厚，有點黏筷子，魚肉餡料勝在混入了芫茜，味更佳。

蝦餃的澄麵皮，同樣是略厚，全蝦肉餡，或許予人感覺矜貴，但我始終喜歡加入了豬肉，或者筍尖的蝦餃。

叉燒包外皮算不上十分軟熟，稍乾，但至少夠熱，內裡的叉燒粒沒太韌，不過蜜味可以充足一點，普普通通吧！

還選來一份脆皮牛肩，牛肩是切開了才上粉炸的版本，外皮是鬆脆，可是牛肩肉不論肉味或是質感，也較平庸，配上的並不是燒汁或者咖喱汁，而是喼汁，有點格格不入。

有想過來個中日Crossover，點客「稻」的飛驒牛炒飯，之但係老豆不吃牛，而且我們亦已叫了脆皮牛肩，還是算了吧，在晉薈的餐牌中挑回瑤柱蛋白炒飯。成品稍欠乾身，而且全無咬口，不懂欣賞。

曾考慮過不吃甜品，最終都係決定俾多次機會佢，幸而，擂沙湯圓是軟腴，黑芝麻香甜，最重要是熱得燙口，沒再令我失望。

我還是喜歡在茶樓/酒店中菜廳飲茶多啲。

餐廳資料:
晉薈
將軍澳唐德街3號香港九龍東智選假日酒店2樓
26232333