斗記點心專門店 - 平平庸庸

食物：$$$

環境：$$$

服務：$$$

由於之後有節目，所以只隨便找個地方醫肚，不用太講究。

豉油街的短短一段，已有米線小籠包海南雞越南菜台灣嘢點心專門店等等，美食/劣食雲集。商議過後，吃點心去也。

斗記加上紅色的主調，好有新斗記的影子，兩者是否有關係，我沒有花時間去考究。

　　

 

餐牌過了膠，客人以粉彩筆(?)去劃，比以往用鉛筆剔剔剔，更慳紙更環保，我覺得幾好。

忽然有一天，春卷由短小粗壯變成了籤幼細長，直插在杯子之中。長長的芝士蝦春卷，新鮮炸起，熱得燙咀巴。香脆是理所當然，「咔嚓」聲響說明一切，蝦肉餡也充足，唯芝士香未算突出，不過，足以令人滿意。沙律醬反有點無用武之地。

原本一客三隻的咸水角，店員話只剩兩隻，搭一個煎堆好冇，無問題啦！咸水角咬落去都好熱，皮脆而味道正常，反而煎堆的奶黃餡，聽朋友說是少了一點，感覺空虛。

燒賣粒粒企身又飽滿，賣相靚仔。除面頭隻蝦外，全粒燒賣都是豬肉作餡料，我並不介意，只嫌味道比較淡口，可幸阿姐早已附上辣椒油。

最後一款是鮮竹卷，腐皮色澤偏淺和淡口，還好蝦與肉餡豐足，內餡有汁，外皮軟熟，普通啦～

茗茶要$3/位，熱飲則只是$5，倒不如整番杯熱奶茶，雖然沒期望水準會有幾高。

餐廳資料:
斗記點心專門店
旺角豉油街98-100號鴻都大廈地舖
27107788