食物:$$$$
環境:$$$$
服務:$$$1/2
以往,於我而言,黃埔是個頗吊腳的地方,更遑論臨海的Harbour Grand
Kowloon。
自從港鐵黃埔站通車後,一切都唔同晒,像這晚從荔枝角前來食Buffet,若不是有港鐵,八點可能都未能到埗,過來食甜品就差唔多。
雖則,今次我仍是最遲一個到達的麻煩友。不過,食自助餐唔緊要啦,大家食住等。
甫坐低,放下行裝,立馬衝出去睇睇有咩食,希望唔會被人搶購一空啦~
凍海鮮款式多,小龍蝦、蝦、青口、蟹腳等一應俱全,很欣賞鱈場蟹腳,鮮甜度爆燈,還有即開生蠔,講真,單係呢個陣容,已經贏左一半。
既然是晚主題係花膠海參,咁我都唔執輸,整番盅花膠海參湯,潤一潤先。
飲完個湯,成身暖和,再出去慢慢揀熱葷。我只可以講,呢度既熱食好有驚喜,紅酒燴牛膝,鬆化又入味;豬仔骨也不是乾柴柴貨色;重點當然是花膠、海參與鵝掌,多吃養顏。
又發現有點心供應,竟然是南北點都有,最驚喜是小籠包,看典包法與豐盈的湯汁,有理由相信是出自專門的北點師傅手筆。
作為食肉獸既我,是抗拒不了燒牛肉的,但為了保留食力,請師傅來一件小的便可。肉質同樣不韌,淋上燒汁,配上焗薯,我成功清碟。
咖喱也不只是印度咖喱,還有泰國風味,兩款出品,汁醬味道雖有別,但同是辣勁十足,惹味非常。
胃口大的朋友,更來一碗牛肉湯粉,以我既能力,只可分一啖吃,水準也正正常常。
反而,鮮甜的刺身,我可以多吃幾件,尤其是帶子,又大粒又鮮美。
甜品是重要環節,臨近過年,餅廚刻意炮製了雞仔造型與及爆竹形狀的蛋糕,増添節日氣氛。另外,其芒果拿破崙一向出色,朱古力慕思蛋糕濃郁,提拉米蘇做到濕潤效果…
再講,這兒的Live Band「音樂行者」十分正,感覺有如邊食自助餐邊欣賞迷你音樂會咁,太棒了!
紅磡德豐街20號九龍海逸君綽酒店大堂
29968432
好大粒帶子呀,正正正!
回覆刪除正架
刪除精彩好味的自助餐
回覆刪除YUP
刪除下次去食爐端燒,yeah~~~~
回覆刪除好呀好呀!
刪除