厚福館 - 又火鍋又蒸氣鍋的一夜

食物：$$$1/2

環境：$$$

服務：$$$

人愈大，愈唔中意熱鬧，所以，許久沒試過一班人去食晚飯。

人多，最好就是打邊邊了。無錯，筆者強調過好多次，吃火鍋是無分時節的，夏天也絕對可以。

要找地方打邊爐，九龍城既火鍋店一向可靠，其中的老字號，厚福館，原來開了分店，仲要係同一條街之上。

兩間店的門口差不多，都是有些少日式的感覺，門前的魚虹，像帶大家潛入奇妙的水底世界。

家下打邊邊的地方，除了烚下烚下，大部份也有蒸氣鍋吃，呢度亦唔例外，咁，大家就開了兩個爐，再加一個蒸氣鍋，好似有點變態。

      

鮮

在等火鍋湯滾時，先吃些唔使淥既嘢。馬屎海膽鮮味十足，睇見水流口水，生蠔也是大家搶攻既項目。

 

香口

喜歡香口東西既我，立即試了炸餃子，香脆熱辣，香氣陣陣，原來裡頭是黑松露，怪不得。

 

開了兩個鍋

兩個鍋，由於其中一個有翅，而有些朋友(包括我)又不吃翅的，因此便來個清清地的鍋底，有豆卜有菜蔬，感覺好健康。

 

味濃

唔使問，我一定是先吃牛，這次大家點的封門柳，不會有靚靚的雪花，卻就是肉味濃郁的部位，我可是吃完一片又一片的。

 

豬拼盤

席間有人唔食牛，就要份豬拼盤，咁就大家高興。既有豬脷，又有豬心，仲有腳筋，豬天梯，甚至伊比豬，一共八款，不同味道，不同口感，仲有個好勁既名，叫做天蓬元帥。作為食肉獸既我，點會唔滿足。

 

我會淥一淥

接著，還有溏灼螺，可以刺身食，但我會輕輕拖一拖，味道會更鮮甜。

 

好正

又點可以無邪惡既嘢呢? 兩種腸，分別是雞腸，同埋鵝腸。我必定是會靠向雞腸，那份油香，不得了。

 

循例

各式餃子、丸類，循例到肚。

 

原汁原味

蒸氣鍋個邊，實在也有太多精彩海鮮，包括鮑魚、海蝦、扇貝、沙白，以及琵琶蝦等，咁樣蒸法，保持海鮮的原汁原味。

 

可以蒸肉既

當然，蒸氣鍋並不局限食海鮮，肉類也可，如雲耳蒸雞，肉質亦十分嫩滑。最後的泡飯、銀針粉，我已飽得吃不下。

 

好飽足

這晚，未免太豐富了！

 

餐廳資料:
厚福館
九龍城南角道42號地舖
2382 2866