國金軒 - 再來也不厭

食物：$$$$

環境：$$$$

服務：$$$$

去美麗華國金軒飲茶的次數，多到我已再數不出來。

原因之一，是這裡的食物從沒有令我失望，而且每次到來，都是跟好朋友暢快聚舊，那管只是吃些點心，已經很高興。

由主人家安排點心，餸來張口，太輕鬆。

    

加了菠蘿

雪山叉燒包漸多地方供應，是近年冒起的「熱點」之一。這仍做得外層微脆，叉燒餡香甜，跟坊間的有少許不同，因點心師傅更加入了菠蘿粒，多一份清新感覺，果然唔錯。

 

香脆

是日嚐了兩款腸粉，其一係海參鮮竹卷腸粉，大概是春風得意腸的變奏版，個人很喜歡佢既口感。

 

晶瑩

其次是野菌馬蹄牛肉腸，單睇照片已知，是皮薄餡靚既出品，味道當然亦對辦。

 

五色寶盒

接著，服務生奉上一個盒子，我知道是五色寶盒了。盒內像是五粒珍貴的水晶，內容有玉帶松露餃、蒜香星斑餃、龍蝦芙蓉餃、原隻鮑魚鮮蝦燒賣，以及紫艷蟹肉，每粒均是精緻又矜貴，不過記得要預訂。

 

芝士龍蝦伊麵概念

這天不乏新點心，煎龍蝦鍋貼，皮脆餡料爽，本身已好食。淋上芝士汁，就更惹味。廚子更加入伊麵墊底，來配芝士汁，有種吃芝士龍蝦伊麵的感覺，有心思。

 

高貴版

認識我的朋友，大概也知我是雞扎迷，不過今云沒吃雞扎，因要試試變奏版本，花膠鱈魚扎。腐皮包裹著的，不再是滑雞、火腿及炸肚，而是更矜貴的花膠和鱈魚，還有精彩既腩肉。我反而覺得呢個組合，有點茅盾。轉成花膠與鱈魚，相信是為女士而設，但腩肉呢，雖是好味，但女士們會怕怕嗎?

 

醬汁也不浪費

通常吃咖喱魷魚，都是站在街頭。在這類似的高貴地方品嚐，比較少。魷魚爽彈惹味，廚子更深明浪費醬汁是大罪的道理，在底下放入了烏冬，大家自當會吃得一滴不漏。

 

精彩

呢度既海皇西施泡飯真係唔得了，湯底鮮甜到底，脆米浸在湯內久久仍可保持香脆，兩種米飯帶出層次，一絕！

 

甜品s

甜品梗係大堆頭，既有香甜煙韌的棗皇糕，又有軟熟的馬拉糕，更不乏養顏的燕窩蛋撻，以及濃香細滑的白芝麻布甸，大滿足。

 

嬲嬲豬??

最後，我哋激嬲左香檳啫喱芒果布甸配椰汁柚子西米露，見佢嬲到噴晒煙咁。不過，理唔得咁多啦，我從來唔係一個Considerate既人，鬼叫你又香又滑，再嬲都要食左你架啦！

餐廳資料:
國金軒
尖沙咀彌敦道118號The Mira Hong Kong 3樓
2315 5222