愛群餐廳 - 唔裝好過裝

食物：$$1/2

環境：$$$

服務：$$$

屹立於長沙灣幾十年，年紀比筆者還要大的港式西餐廳愛群，早前裝修完畢，以新面貌示人。

以往從不需要等位，新屎坑，下午一點半鐘，竟然要排隊，香港人真係得。

有諗過轉場，但霎時間想不到吃什麼，朋友話幾張檯等下啦！反正企係入面，涼住冷氣，等就等吧~

　　 

新裝

經「化妝」後的愛群，廳面跟新派的Café分別不大，無疑是新穎，我卻覺得失去了昔日的懷舊感覺，唔太中意。或許，是我食古不化；或許，我也應該早被社會淘汰。

 

唯一可取是衛星包

點選了午餐，餐湯及麵包火速送上，一貫的有效率。紅白湯之間，來個羅宋湯，但是味道偏淡，反而衛星麵包，更能討我歡心。

 

咖喱唔香

主菜原本想吃葡國雞飯，可惜售罄，沒什麼頭緒，點指兵兵點中了馬來咖喱豬扒。然而，帶骨豬扒雖唔會硬轟轟，咖喱卻是不香也不辣，浪費了脆卜卜的印度薄餅。朋友既西冷拼大蝦，佢更食到幾乎爆粗。

 

麻麻地

喝一杯極之普通的咖啡作結…

好一餐，唔好又一餐~

 

餐廳資料:
愛群餐廳
長沙灣青山道177-179號地下
2361 6717