新店速遞：House 41 - 童年回憶浮晒出嚟~

食物：$$$

環境：$$$$

服務：$$$

石硤尾美荷樓的呼吸冰室，剛剛玩完，由House 41接手，繼續為大家提供美食，以及童年回憶。

取名House 41，皆因以前美荷樓，正正是石硤尾村的第41座。這樣的名字，既簡單又有意思。

打完波，原本是想去宗像屋碰碰運氣，當見到門口的長長人龍，立馬轉軚。咁近四十一冰室，即管去試試。

 

你玩過未?

餐廳的經營模式及氣氛，與「已故」的呼吸冰室，大同小異，只是牆上的壁畫與裝飾，換上了更經典的童年玩意。交通安全棋、環島步行棋、鬥獸棋、波子棋、天下太平，諸如此類，你玩過幾多呢?

不用告訴我，以免暴露你的真實年齡，哈哈！

加了錢轉餐

晚市食品加十八塊錢，可轉餐，有餐湯/ 沙律，同埋飲品。

沙律菜幾豐富，色水配搭算係咁，尚算新鮮。忌廉湯稍嫌湯頭唔夠熱，可能我們來的時候，比較夜。

好健康

波友點選了豆腐漢堡。要一半嗎? 佢問。

心想，咁健康！！不過都好啦~

分了一半

意大利軟包、芝士、炸豆腐及蕃茄等材料，確是較為清淡，要靠芝士及沙律醬的味道。我，還是專攻我的德國咸豬手好了。

預期中巨大

禮尚往來，當然要分番小半隻豬手給他。豬手是意料之中的巨大，皮算脆，肉亦沒有嚡口，合格。反而，配角既西蘭花及薯仔，完全未煮好，顯得有點馬虎。

太多回憶

邊喝著凍檸茶，邊留意周遭的兒時玩意，很回味。

餐廳資料:

House 41

石硤尾巴域街70號石硤尾邨41座美荷樓地下