上海津味小食店 - 老上海味~~

食物：$$$1/2

環境：$$$

服務：$$$

擔擔麵癮起，醒起荃灣呢間上海麵店，從沒試過，是機會要入去見識下了。

以為自己人老眼朦，睇幾轉餐牌，都搵唔到有擔擔麵，無理由就咁起身走人，唯有改要其他東西。

考慮到阿姐都唔耐煩，終於衝口而出要了豬扒獅球麵。

是可配上雪菜，或炸菜的。我，揀左炸菜。

  

豬扒不是炸的

豬扒，並不是炸的，其實有點擔心是巧硬，原來卻又是杞人憂天；炸菜，爽口之餘，唔會死咸，也不是完全失去味道，並沒因為只是茄喱啡而欺場；麵條，也總算爽身。

 

美中不足

滿以為很圓滿，反而，獅球有點兒令人失望。外層酥炸，咬下去，內裡粉太多，豬肉成份唔夠。

 

勝!

要了杯凍豆漿，應該說一碗才對，大口喝下，多豪邁！如豆味能重返些少，就更理想。

 

老店

見到婆婆在包雲吞，似乎有啲料到，但係，還是留待下次吧!

餐廳資料:

上海津味小食店
荃灣德士古道富麗商場地下