小洋蔥 - 東涌小發現

食物：$$$1/2

環境：$$$$

服務：$$$$

竟然又來到東涌……

這次入來，是跟舊同事聚會，順便晚餐。

原來，映灣園個邊，有間裝修得很骨子的餐廳，叫做小洋蔥。若不是地膽帶路，我真係知鬼呢度咩。

論環境，呢間嘢絕對無得輸，想不到東涌竟會出現如此悠閒舒適既餐廳。假日來飲杯咖啡，打打躉，超寫意喎！如果可以係我家附近開，就perfect了。(唉…我個飯堂Nova已經捨我而去)

稍咸了點

慣性地，點了幾款東西，大家開心些牙。先有湯，我既磨菇湯，香氣撲鼻，只是師傅稍了重手了一點，味道略咸。朋友的洋蔥湯，看上去更對辦，我沒有喝，但他評語正面。

 

香口嘢~~

對方問：「食唔食洋蔥圈?」

香口的東西最合我心，加上洋蔥應該是店家的招牌吧，無理由唔試試。

雖然色澤未算很金黃吸引，但熱呼呼的，咬落香脆，洋蔥爽口，沾上Mayyo，抑或是茄汁，均教人吃不停口。

 

抵食

Pasta也要登場，是晚的香草醬雞肉篇意粉，賣相就是健康的顏色。用叉捲起幾條，放入口，香草味沒預期的剛烈，意粉亦保持一定口感，加上嫩滑的雞髀肉，是我喜歡的類型。

 

含香草氣息

作為一隻食肉獸，主菜的選擇，無庸置疑，必定是肉類。如果有天筆者是挑齋吃的話，一定係精神病發，大可送我入青山。Anyway，說回我是晚的選擇，其中之一，是Spare Ribs。肉質是預期中的鬆化，BBQ醬汁味濃，特別之處是帶有香草氣息，吃得滿意。

 

這才是招牌

不過，我發現，呢度既Hero Product，唔應該係洋蔥，應該係春雞才對。據云加入了慢煮原素，成品賣相討好，皮嫩而肉嫩，肉汁豐盈，撕開雞髀位來齒，實是精彩。

 

要用更優質雪糕啦!

甜品項目，來了焦糖香蕉船。擺盤是吸引，若然那三球雪球，能採用更優質的牌子的話，定能為甜品加分。

又係，傾到打烊......

餐廳資料:

小洋蔥

東涌健東路1號映灣薈一樓平台29至30號舖

2565 7278