Umai - 工廠區的日本滋味

食物：$$$

環境：$$$1/2

服務：$$$

始終在長沙灣、荔枝角一帶長大，也曾有幾年在這區工作，對該處怎樣也有一份感情。所以，當新商場D2 Place落成，我是倍加關注。

商場內的西班牙餐廳，水準比預期中好。而旁邊的日本餐廳，看門面似乎都幾吸引，誓要找天去試試。

終於，在某星期日，打波前，有機會跟波友來到吃午餐。

坐壽司吧

服務生問坐入面還是壽司吧，筆者是日想食壽司，為更清楚看到師傅的手勢，便主動走去壽司吧那邊。

 

夠熱是唯一好處

按習慣，還是各自點選自己喜歡的食物，再大家分吃。不論那個餐也好，同是跟上茶碗蒸。然而，這蒸蛋未算足料，亦唔得滑溜，只勝在溫度足。

 

不過不失

我點的是壽司定食，因為分甘同味，所以我只嚐了吞拿魚、三文魚、帶子以及玉子。飯糰握得還可，不會死實實，亦唔怕好鬆散，各款材料，大致新鮮。

 

不修邊幅

個人頗喜歡吃加洲卷，貪佢夠開胃，呢度既出品，賣相有點不修邊幅，但味道起碼是正正常常。

 

普普通通

朋友所揀選的，正是和牛漢堡扒定食。兩大塊的漢堡扒，口感鬆化，但肉味也一如意料的薄弱，要多沾些醬汁。其實，這味送飯，也是一流。

雖然水準不是頂班，不過勝在價錢經濟，偶爾來一餐，無妨！

餐廳資料:

Umai

荔枝角長義街9號D2 Place地下2號舖

2743 8011