2+2 Cafe - 又生蠔又龍蝦...

食物：$$$1/2

環境：$$$1/2

服務：$$$1/2

很多時各位朋友的問題，是那裡的自助餐有生蠔食，有埋龍蝦當然更理想。

事實上，現今有生蠔吃的自助餐已經不多，更何況是要兩者兼備? Yamm當然是我的首選。而另外一間我想講的，正是沙田帝都酒店的2 + 2 Café。當年在附近返工，偶爾也會跟同事來這裡開餐。

這晚約了車媽媽講密傾，中餐叫餸又食唔得幾多，西餐似乎又太過浪漫，發起癲上嚟，不如一齊過來食Buffet?

唔客氣啦!

食Buffet仲有度好，就係唔使等我，可以食先，我來到，車媽媽經已在開餐。安頓好，我也出去攞嘢食了。呢度地方細細，不過都算幾多選擇，還是先由一系列Cold Cut、煙三文魚開始，打開胃口。

 

不少海鮮

再者，係時候進攻海鮮，有即開生蠔、龍蝦、青口、長腳蟹、蝦等等，陣容豐富，有食力的話，單是吃這區的東西，都足以回本。生蠔即開，每次建議最多只取三隻，以保持新鮮。質素的確不差，好Fresh。除了凍龍蝦，仲有燒的龍蝦，同樣多羔，燒起來當然是更香，我更喜歡。

 

LCLCLC...

熱葷方面，只是色彩繽紛的LC廚具，已贏了一半。清酒煮蜆，蜆肉細嫩。蒜片牛肉粒有少許韌，仲有香脆的炸雞軟骨，同埋香口的燒三文魚頭。來到沙田，就梗係有燒乳鴿添啦，估唔到水準都唔低。

 

唔怕韌

再行前幾步，是燒牛肉，同埋燒豬髀，食肉獸既我一定唔會錯過。肉眼的質地嫩口，沾上了菠蘿燒汁，蠻不錯。

 

一定惹味

仲有師傅即場炮制的薑蔥炒蟹，很香，用手拿起來吃，滋味無窮。

 

甜品相對失色

坦白說，相比之下，甜品相對失色，幾款蛋糕如黑芝麻、芝士蛋糕、杯仔蛋糕，以及馬卡龍等，只是普普通通，較好的只是醒胃的熱情果蛋糕，同埋濃郁的朱古力蛋糕。

好彩，仲有哈根大師雪糕，為甜品項目加分。

   
餐廳資料：

2+2 Cafe

沙田白鶴汀街8號帝都酒店3樓

2694 3886