鮨文 - 師傅，你話事吧！

食物：$$$1/2

環境：$$$

服務：$$$1/2

偶爾也會想吃餐日本菜，但大多是去尖沙咀、銅鑼灣或者中上環一帶，質素比較有保証。

甜魔媽媽報料，元朗有間新開業的鮨文，來頭唔細，問大家有無興趣試。既然近近地，我就奉陪下啦！

食其他菜色，大家可以邊食邊等我呢啲遲收工的麻煩人，但吃日本菜，尤其是Omakase，又真係好難食先既。要大家等我等到發霉，唯有再講多聲唔好意思。

開頭

好了，事不宜遲，食嘢喇！師傅為大家準備的前菜，是溫泉蛋青瓜絲，把蛋黃破穿，然後撈青瓜絲食，都無咩可能難食。

 

混入了芫茜的

之後，正是茶碗蒸，熱呼呼的蒸蛋，口感細滑，足夠，混入了少許芫茜，更討我歡心。

 

唔錯

收起蒸蛋的碗子，正式開始刺身的環節，一系列的刺身會為我們帶來驚喜，還是驚嚇呢? 先來白身魚，深海池魚，質感爽身，好開始。

 

香口

其次是赤鯥魚，師傅以火熗輕輕燒過魚皮，入口更富油香，筆者當然更加喜歡。

 

看雪花都已經贏晒

再來的霜降拖羅，大家應該不會陌生，不過呢兩件既賣相真係一百分，油份非常之豐富，屬入口溶化，一件比一件更合心。

 

魚味濃一點

跟著奉上的金目鯛，口感比剛才的拖羅爽身，魚味也相對強一點，絕對是靚貨。

 

彈牙

幾件魚刺身過後，便到鮑魚出場，口感彈牙，不會韌，沾上靈魂的鮑魚肝醬，很好。鮑魚食完，也不要浪費呢個精彩絕倫既醬，師傅握一件飯糰，撈勻此醬，一滴也不漏。

 

較少吃到的縞蝦

刺身環節完結，大家應該知道，係壽司時間。會嚐到較罕有的縞蝦，師傅先拿出來讓我們拍照，才再炮製壽司。去殼，把蝦米挖出，再放上壽司面，蠻不錯的一款。

 

鮮~

另外的海膽迷你丼，大埋鮮味十足的海膽蓋住米飯，唯鮮無敵。

 

已不是首次吃

火炙銀鱈魚壽司，筆者不是第一次品嚐，但這沒太大驚喜，個人覺得飯糰握得有點兒散。另外，珠玉在前，中拖羅壽司也自然及不上剛才的霜降拖羅了。

 

始終覺得飯糰較鬆散

至於赤貝，就是爽口，又或許我不懂拿筷子，壽司還是鬆散。

 

膠住咀巴的

以一碗濃得膠著咀巴的魚湯，為這豐盛的晚餐作結。

要學日本人既禮貌，感謝師傅用心為我們製作咁豐富的一餐。

餐廳資料:

鮨文

元朗仁樂坊5號利發大廈地下E 舖

2285 9477