Piccolo Pizzeria & Bar - 在驟晴驟雨的一天出發

食物：$$$$

環境：$$$$

服務：$$$$

咬住塊薄餅，突然見到鄰檯的人好熟口面，是阮兆祥！！！呀，唔係唔係，佢應該係盧覓雪才對！你真人真係好……似祥仔！這是我上次在大坑Piccolo的經歷。

最近，有傳疑似盧覓雪的XX相片流出，你覺得會是…她，或是祥仔?

言歸正傳，講番Piccolo，原來已有現今非常方便的堅尼地城開了分店。

睇通睇透

店子有個Open Kitchen，客人可以透過玻璃，看到師傅即場炮製自己的Pizza，多好！

 

好多芝士

Piccolo Chicken Salad，就是沙律也用上店家的名字，唔可以睇少。新鮮爽脆的沙律菜，絲絲的香脆不硬的炸雞，還有大量的芝士，以及Mayo，相當開胃。

 

要夾著火箭菜吃

另外的Fried Cheese，心想會是炸得香脆熱辣的那種，點知，我又諗多左。這水牛芝士，以煙肉包裹著，再煎香，有趣。外層的煙肉是稍稍咸了一些，連同火箭菜同吃，就好得多。

 

極品

我指定要食的，就肯定係火腿啦！24個月的出品，軟熟可口，捲起連埋清甜多汁的哈密瓜來吃，美妙。

 

兩款

是日有兩款湯，分別是磨菇湯，同埋意大利菜湯。不過，兩者均是加入了雞湯，所以素食者要止步。磨菇湯幾香，而意大利菜湯，就超級的足料，我反而覺得有點過杰。

 

好惹味~~

喝完湯，就到食Pasta，揀選的蒜香辣意粉，惹味非常，質素甚高，我很喜歡。若不是胃納太細，我會考慮加多客Carbonara來吃囉～

 

下次要食大的了

咁嚟到薄餅專門店，唔食番件Pizza，又真係講唔通既。簡單的來一件9吋的夏威夷薄餅，清新醒胃，批底及批邊亦做得好，不負眾望。

 

鬆化

甜品之前，再來一款，是肉食就無問題啦！大大份的Rib，鬆化夠味，我也吃了三枝骨了。而邪惡的薯角，從來也不是配角，三兩下便被大家清掉。

 

甜品時間

中午只得兩款甜品，唯有要晒。相比起實實的意大利奶凍，我更喜歡實而不華的提拉米蘇。

 

我的咖啡時光

最後，無錯就是一杯Latte，來伴我渡過寫意的假日時光。

餐廳資料:

Piccolo Pizzeria  & Bar

西環堅尼地城爹核士街1E號舖

2824 3000